Boluntaryong gisurender sa 90th Infantry Battalion sa mga kandidato sa Barangay ug Sanguniang Kabataan Elections (BSKE) sa M’lang, North Cotabato ang usa ka dosenang loose Firearms ayha pa nagsugod ang opisyal nga campaign period.
Gipresentar ang mga armas kang M’lang Mayor Russel Abunado; Vice-Mayor Joselito Piñol; Provincial Election Supervisor Atty. Myla Luna, 90IB Commanding Officer Lt. Col. Rowel Gavilanes, ug M’lang Chief of Police Lt. Col. Realan Mamon, sa Municipal Gymnasium sa Barangay Poblacion B sa maong munisipalidad.
Ang mga armas gilangkuban sa upat ka 12-gauge Shotguns, tulo ka Caliber .38 revolvers, duha ka 9mm pistols, usa ka Caliber 50 Barret Sniper rifle, ug duha ka 40mm M79 Grenade Launchers.
Ang pagsurender sa mga armas resulta sa peace and security campaign sa AFP, PNP ug Comelec aron masiguro nga hapsay ug malinawon ang eleksyon.
Nagpasalamat si Western Mindanao Commander, Major General Steve Crespillo sa mga kandidato sa ilang kooperasyon.
Hulagway gikan sa WestMinCom
Facebook Conversations