Unom angol sa elf van nga nawad-ag brake sa Marilog

Subay sa imbestigasyon sa kapulisan sa Marilog, nawad-an matod pa'g kontrol ang driver human nikagar ang brake sa elf van type nga may plate number FAB 5046, gimaneho ni alyas Amido 30 years old, ug residente sa Sambag Jaro, Iloilo City.

Gilawig sa van ang Davao-Bukidnon National Highway gikan sa Bukidnon paingon Davao City, apan pag-abot SA kurbadang bahin sa lugar, saysay sa driver kalit matod pa nakasinati sa "brake malfunction" ang sakyanan busa nawad-ag na kini'g kontrol resulta sa pagkasukamod.

Pulos residente sa Iloilo City ang Unom ka mga biktima nga daling narespundihan sa medical team sa Central 911.