Sulay nga pagpamomba sa Cotabato, napugngan

Ruth Palo

Editor

posted on 2 years ago — updated on 1 second ago

793
views

Napugngan sa mga tropa sa Joint Task Force Central ang sulay nga pagpamomba sa Cotabato sa dihang makaplagan niini ang usa ka improvised explosive device (IED) adlawng Miyerkules sa Sitio Proper, Inug-ug, Pikit, Cotabato.

Napalgan ang IED human girespundihan sa mga tropa ang tahu nga dunay gitanom nga bomba sa daplin sa barangay road sa nahisgutang lugar.

Gilayong gikordon sa kasundaluhan ang lugar ug nakig-alayon sa 33rd Explosive Ordnance Disposal (EOD) Team.

Narekober sa EOD team ang “unexploded ordinance”, wire, usa ka 9-volt battery nga gidala sa headquarters aron sutaon.

Sumala pa ni Western Mindanao Command Chief, Lieutenant General Roy Galido kasamtangang gi-imbestigahan ang insidente aron masuta kung si kinsa ang responsable sa sulay nga pagpamomba ng nakamugna ug kahadlok sa mga residente.

Gipasalig ni Galido nga padayong muhimo ug “pre-emptive measures” ang militar aron pugngan ang unsa mang sulay nga pagsabwag ug kagubot gikan sa nabilin pang terorista sa rehiyon.