Gikunsidera ni PNP Chief Police General Benjamin Acorda Jr. ang sugyot ni Senator Ronald Bato dela Rosa nga ibalik ang paggamit sa pito ug batuta sa mga pulis.
Sumala pa kang Acorda, ilang nahisgutan ni Senator dela Rosa ang mga nakalabayng insidente kundiin namusil dayon ang mga pulis.
Isa matod pa sa mamahimong rason niini mao ang kawalay laing paagi sa mga pulis nga maghatag ug “warning” sa mga suspek.
Gipasabot sa opisyal nga kung kabahin sa mga pulis ang batuta ug pito, duna kuno silay paagi aron mag-establish ug police presence nga di kinahanglan dayon mobunot ug pusil.
Busa, sumala pa ni Acorda, ilang tukion sa Command Group ug Directorate for Research and Development (DRD) ang sugyot ni dela Rosa, kinsa nagsilbi sab kaniadto isip PNP Chief.
Facebook Conversations