Sa press conference sa Camp Crame Lunes sa buntag (Mayo 2), gibutyag ni Acorda nga tradisyunal na nga ginapahimuslan sa NPA ang eleksyon aron maka-kolekta ug “permit to campaign” fee ug “permit to win” fee sa mga kandidato.
Pahinumdum sa PNP Chief, ang paghatag salapi o unsa mang material nga suporta sa NPA, nga usa ka teroristang organisasyon, gikonsiderang “terrorist financing”.
Bahad ni Acorda, ang mga mapamatud-ang nalambigit sa ilegal nga aktibidad mamahimong kasuhan ilawom sa Republic Act 11479 o Anti-Terrorism Act of 2020.
Dugang sa PNP Chief, kung ang incumbent Barangay o SK official muhatag kuwarta sa NPA, duna silay laing atubangong paglapas sa “willful disloyalty to their Oath of Office”.
Samtang naglusad na ug threat assessment ang PNP sa pipila ka mga opisyal sa barangay nga dunay hulga sa ilang kinabuhi.
Sumala pa kang Acorda ang nahisgutang mga opisyal hatagan ug igong seguridad kung makumpirma nga nag-atubang sila sa “valid threat”.
Gibutyag sa ni Police Security and Protection Group Director Police General Antonio Yarra, dapat 1 pulis ug 1 protective agent lang ang security sa mga pulitiko.
Apan mamahimong mapun-an kini depende sa panginahanglan base sa threat assesment sa PNP.
Sa pagkakaron, gitiktikan na sa PNP ang mga pulitiko nga dunay gihuptang Private Armed Groups (PAGs).
Sa pagkakaron, 48 PAGs ang giukoy-ukoy sa PNP aron masiguro nga di makasabwag ug kagubot ang mga nahisgutan sa umaabot nga Barangay ug Sanguniang Kabataan Elections.
PNP Chief General Benjamin Acorda Jr.
Facebook Conversations