Mukabat sa usa ka milyon ka pesos nga marijuana ang nasakmit sa Davao City Police Office gikan sa duha ka nga suspek atol sa buy-bust operation alas 3:13 Martes sa hapon, December 30, 2025 sa Purok 27, Padaman Riverside Brgy. Maa, Davao City.
Nailhan sa kapulisan ang mga suspek nga sila Alyas Boss, 25 anyos, boxing coach, single, ug residente sa Punta Dumalag 1, Brgy Matina Aplaya, Davao City ug alyas Kirb, single, Senior Production Staff ug nagpuyo sa Punta Dumalag 1, Brgy Matina Aplaya, Davao City.
Si Boss, listado sa kapulisan nga high-value individual samtang si Kirb gikonsiderang street level individual.
Nakuha gikan kanila ang pinaugang marijuana kantidad P120,000 ug liquid marijuana kantidad P925,000.
Gawas sa marijuana, nakuhaan sab kini ug buy-bust money, cellphones, sling bag, packbag, motorsiklo, ug duha ka helmet.
Kaso giandam na sa kapulisan batok sa mga dinakpan.
📸DCPO
Facebook Conversations