Gibutyag sa Philippine National Police nga 22 na ang natala nga suspected election related incidents (ERI) subay sa sa datos adlawng Lunes, Setyembre 11.
Atol sa press conference, gibutyag ni PNP Public Information Office Chief Police Colonel Jean Fajardo nga sa maong ihap, 2 ang kumpirmadong insidente sa kasamok nga dunay kalabutan sa Barangay ug Sanguniang Kabataan Elections (BSKE).
Ang duha ka ERI natala sa Region 5 ug sa Bangsamoro Autonomous Region.
9 insidente usab natala sa Region 3, 5, 8, 9, 12, ug 13 ang napamatud-ang walay kalambigitan sa eleksyon.
Samtang ang uban kasamtangan pang gipailawom sa validation.
Una nang gibutyag ni PNP Chief Police General Benjamin Acorda Jr. nga dunay pipila ka barangay officials na ang nangayo ug proteksyon sa PNP tungod sa hulga sa ilang kinabuhi nga ginakonsiderang pagbigyan depende sa threat assesment.
Facebook Conversations