Sa programa Biyernes sa hapon, Hulyo 14 sa Rizal Park, ang distribusyon gipangunahan sa senador kuyog sab ang Regional Manager sa NHA 11 Clemente Dayot.
Matag usa nakadawat ug tag-P10,000 gikan kay Go pinaagi sa Emergency Housing Assistance Program (EHAP) sa NHA.
Ang mga beneficiaries nagikan sa 16 ka mga barangay nga gilangkuban sa Vicente Duterte, Ilang, Tibungco, Panacan, 23-C, Agdao Proper, Gov. Paciano Agdao, 76- A, Matina Apalaya, Talomo, Sto. Nino, Tugbok, Mintal, Toril, ug Mandug, 21-C at 22-C.
Ang mga recipients mao kadtong mga nanag-iya ug balay nga nadamyos sa sunog.
P20,870,00 ang pondo nga gihatag ni Go sa EHAP sa NHA XI alang sa mga biktima sa sunog sa tibuok rehiyon.
Kalakip sa nahatagan ang mga biktima sa sunog sa Davao del Norte nga anaa sa 60 pamilya, 132 sa Davao de Oro, ug Davao Oriental 623 pamilya. Samtang, 1,272 pamilya sa Davao City.
Nitambong sa aktibidad ang pipila ka mga konsehal ug Davao City Mayor Sebastian Duterte.
Sa iyang mensahe, gipasalamatan ni Duterte si Go ug NHA sa tabang nga gihatag alang sa mga nasunugan.
Facebook Conversations