Gikumpirma sa tigpamaba sa PNP Colonel Jean Fajardo nga duha pa ka pulis nagpositibo sa confirmatory drug test.
Kini human nagpositibo sa confirmatory drug test ang gitanggal nga Mandaluyong Chief of Police nga si Colonel Cesar Gerente.
Sumala pa kang Fajardo, pulos non-commissioned Officer ang duha ka pulis.
Isip kabahin sa “due process” ang nahisgutang mga pulis hatagan ug 15 adlaw aron i-contest ang resulta sa drug test.
Kahinumduman nga upat ka bulag nga random drug test ang gibuhat sa National Capital Region Police Office (NCRPO) kundiin nagpositibo ang tulo.
Gipailawom sa confirmatory test sa Forensics unit sa Camp Crame ang resulta sa random drug test diin nag-positibo gihapon ang tulo.
Facebook Conversations