Subay sa Facebook post sa Mawab MDRRMO, naghangyo kini sa publiko partikular na sa magsuong Cordero nga mga vloggers sa Andili, Mawab sa maong probinsya nga likayan ang mga pranks bahin sa emerhensya.
Sumala pa ni Ruel Helicame, opisyal sa MDRRMO Mawab nga gipa-blotter na sa mga rescuers sa kapulisan ang insidente kundiin determinado kini nga mupasaka ug kaso aron di na masubi pa ang insidente.
Labihang sukua sa mga netizens sa gihimo sa vlogger ug ilang gihangyo nga kasuhan ang Cordero brothers tungod sa perwisyo nga namugna niini .
Ang insidente nanukad sa dihang nipalit kuno ug gasolina ang vlogger sa usa ka gasolinahan sa lugar Miyerkules sa hapon (Enero 18) ug human nga nakuha ang gasolina, giyarok niini ang usa ka botilya sa likido nga gituhuang gasolina busa naalarma ang mga gasoline boy butang nga nitawag kini ug rescue.
Gilayong girespundihan sa mga emergency rescue team sakay sa ambulance ug naabtan ang vlogger nga daw gasuka ug nagpakaron-ingnong dunay dakong problema.
Apan sa dihang dalhon na kini sa ospital, nagdumili ang vlogger ug gisultihan nga prank lang ang tanan.
Nigawas nga dili gasolina ang giinum sa vlogger kundi ang baon niining energy drink nga iyang gilukluk sa iyang hawak.
Facebook Conversations