Sumala pa kang Lieutenant Colonel Abdurasad Sirajan, tigpamaba sa Western Mindanao Command, gitahu sa mga tropa sa 4th Mechanized Infantry Battalion nga nahitabo ang kusog nga pagbusikad sa nahisgutang lugar pasado alas 5 Lunes sa hapon (Oktubre 24).
Sa pagresponde sa mga tropa sa 43rd Mechanized Company nga naka-base sa Barangay Cadulawan, munisipalidad sa Munai, ug Munai Police Station ilang naabtan sa lugar ang nahagsa nga tore ug patayng lawas sa wa pa maila.
Sa pasiunang imbestigasyon, usa ka improvised explosive device (IED) ang gigamit nga explosibo base sa narekober nga mga piraso sa 60mm mortar sa lugar.
Ang narekober nga patayng lawas gidala sa Gamalinda Funeral Homes sa Kauswagan samtang mga narekober nga gamit ug paraphernalia gidala sa Iligan Police Office alang sa imbestigasyon.
Gimando ni Western Mindanao Command (Westmincom) Commander Brigadier General Arturo Rojas, ang paghugot sa seguridad sa lugar samtang gitumbok na ang nagpaluyo sa insidente.
Hulagway gikan sa Western Mindanao Command
Facebook Conversations