Sumala pa ni Major Catherine Dela Rey, tigpamaba sa Kapulisan sa Davao City nga ang SITG pangunahan mismo ni Colonel Alberto Lupaz, hepe sa Davao City Police Office.
Dugang ni Dela Rey nga hatagan lamang ug duha ka semana ang SITG aron sulbaron ang kaso pinaagi sa pagsuta sa motibo ug pagtumbok ingon man pagsikop sa suspetsado.
Sa pakighinabi sa News Fort, gikanayon niini nga dili lang usa o duha ang ilang gilantaw nga persons of interests sa pagpatay sa negosyante apan nagdumili kini nga ibutyag ang dugang detalye sa giingong mga suspetsado.
Sa inisyal nga imbestigasyon, duha ang gitumbok nga motibo sa krimen, usa dinhi ang personal grudge ug robbery.
Gisuta sa mga imbestigador ang usa sa mga posts sa Facebook ni Chua sa wa pa kini gipatay nga nagpakita sa mga hulagway nga daw biktima kini sa pagpangulata.
Samtang gikumpirma sab sa tigpamaba sa kapulisan sa Rehiyon Major Eudisan Gultiano nga gimando na ni Brigadier General Benjamin Silo Jr. , hepe sa kapulisan sa rehiyon ang kamugnaan sa SITG.
Matod pa ni Gultiano, nakatakdang magpagawas ug opisyal nga pahayag ang Police Regional Office (PRO) 11 labot sa kaso.
Subay sa mga posts sa Facebook sa giingong ka-pamilya sa biktima, duna kini ginganlan nga dakong opisyal sa Armed Forces of the Philippines nga nadestino matod pa sa Davao Region nga maoy gitumbok nga suspek sa krimen.
Ang biktima mao pay pagnaug sa iyang sakyanang Montero aron abrihan ang gate sa gipuy-an niini sa Green Meadows sa dihang kalit mibutho ang suspetsado ug dayon pusil sa biktima.
Patay-diha diha dayon si Chua.
Facebook Conversations