Sitio Electrification Program sa NORDECO, way hunong; 16 panimalay sa Brgy. Tuburan, Mawab, nasug-an
Kalipay ang gibati sa ubay-ubayng pamilya human nasug-an ang lain pang dise saes ka mga balay pinaagi sa Northern Davao Electric Cooperative (NORDECO), ang bag-ong DANECO sa Purok 8, Sitio Sugod, Barangay Tuburan, Mawab, probinsya sa Davao de Oro, adlawng Biyernes.
Ang maong lakang kabahin lamang sa nagapadayong sitio electrification program (SEP) sa nasyunal nga panggamhanan.
Ang nahisgutang proyekto dunay kinatibuk-ang project cost nga P700,038.99.
Dungan sa gihimong Switch-On Ceremony, gipahigayon usab ang pagpanumpa sa mga opisyales nga gi-organisa sa sitio level ubos sa Member Consumer Owner Program for Empowerment (MCOPE).
Mitambong sa okasyon, ang konsehal sa gikaasoyng barangay Juan Barulo, Purok Chairman Bonito Cabuga, Tribe Leader Datu Pepito Pinang, GKK President Bebencio Mercado Jr., ug ang Services Department Manager sa NORDECO Area 2 Demetrio L. Jagunos.
“Lighting homes, lighting the future, empowering the people,” saysay sa NORDECO.
Hulagway: NORDECO FB Page
Facebook Conversations