Kini ang tinguha sa inilang International artist Ega Carreon kinsa usa sa mga nagpasiugda sa art gallery nga PintalX (Pinta nueve) nga gilusad sa Barangay Tambo, Babak District, IGACOS niadtong Oktubre 8 nga natapos Oktubre 21.
Sumala pa ni Carreon, naay mga naka-design nga umaabot nga programa sa PintalX sama na lang sa mga workshops.
“For example, sa December naay first art workshop sa Gallery. Kung mu-engage ang mga participants sa workshop, package na na siya. Ang output sa workshop is exhibit,” saysay ni Carreon.
Ang himoon sa PintalX, muagi ug kompetisyon ang mga participants nga naay theme. The best landscape in Samal Island. Pero ang mga entry dili tong gikan sa google, dili tong gina upload. Mismong ang participants mao ang mo-shoot kung asa ang location, isa na sa criteria, dugang pahayag ni Carreon.
Dugang ni Carreon, otomatikong mahimong miyembro sa PintalX si kinsa man ang makuha nga top 10 finalist.
“Credible sila nga mahimong member kay niagi sila sa criteria sa competition. Ang first major activity sa PintalX,” matod ni Carreon.
Ang PintalX nagtinguha sa paghatag ug balay alang sa mga artists sa isla kung hain ilang ma-showcase ang ilang mga contemporary artworks.
“In art making, number 9 symbolizes completion, the process of art making which undergoes conceptualization, execution of idea and the last stage completeness of the whole idea,” dugang saysay ni Carreon.
Gawas kang Carreon, tulo pa ka mga artists ang nagpasundayag sa ilang mga nindot ug talagsaong paintings sa gallery lakip na sila Ryan King Jim Uy, Juliet Samante, Jasmin Cabilla.
Si Cabilla kinsa part owner sa PintalX, nagkanayon nga ang PintalX maoy nag-inusarang art gallery sa IGACOS.
Si Carreon, kinsa lumad nga taga-Davao City, migahin ug upat ka tuig isip artist sa New York City. Misalmot sab kini sa nagkalain-laing mga exhibits sa Spain, Canada, ug Japan.
Facebook Conversations