Kini ang pahayag sa tigpamaba sa Davao City Police Office (DCPO) Major Maria Teresita Gaspan atol sa AFP-PNP Press Corps Southern Mindanao Media Beifing sa The Royal Mandaya Hotel, Miyerkules sa buntag (Agosto 31).
Sumala pa ni Gaspan kabahin kini sa gipahugtang curfew on minors ug anti-mendicancy campaign sa lungsod aron proteksyonan ang mga kabataan sa bisan unsang peligro.
Dugang ni Gaspan nga ang mga mare-rescue nga mga bata, gilayon kini nga ihatod sa Quick Response Team for Children's Concerns facility o di kaha iuli sa ilang mga ginikanan o guardian.
Kahinumduman nga nahimong bukambibig sa mga kabataan sa Davao ang ang puti nga van nga kuno maoy gapangdagit, apan ang tinuod diay kining mga latagaw nga bata ginapanghipos sa van nga puti.
Ang van nga puti, iya kini sa lokal nga kagamhanan pinaagi sa Davao City Social Welfare and Development Office (CSWDO) ug Women’s and Children’s Protection Desk (WCPD) nga ga-rescue. Gipamugos ni Gaspan nga regular kini nga tahas sa mga awtoridad aron malayo ang mga kabataan sa disgrasya ug peligro.
Kini nga van nga puti dunay tatak nga Davao Life is Here.
Subay sa talaan sa WCPD, mukabat na sa 2,906 ang nalusad nga operasyon sa mga awtoridad gikan sa bulan sa Enero hangtod Agosto.
Sa maong operasyon, 1,384 ang na-rescue nga mga kabataan, apil na dinhi mga lumad, mga buang, gapanglimos nga mga kabataan, ug galatagaw dis-oras sa kagabihon nga mga menor de edad.
Silang tanan gipang-turnover sa ilang mga ginikanan, guardians, sa barangay, ug sa CSWDO.
Major Ma. Teresita Gaspan
Facebook Conversations