Pondo sa NTF-ELCAC alang sa 2022, ibubo sa Barangay Development Program

Ruth Palo

Editor

posted on 4 years ago — updated on 1 second ago

624
views

Nagkasinabot ang bicameral conference committee nga ipatunhay sa 2021 budget level ang pondo sa National Task Force-Ending Local Communist Armed Conflict (NTF-ELCAC) sa musunod nga tuig.

Sumala pa ni senate committee on finance chairman Senador Sonny Angara, gikan sa P10 billion nga giduso sa senado, nasang-at kini sa BiCam sa P 17.1 billion o halos managsama sa kasamtangang 2021 budget niini.

Apan giklaro ni Angara nga ang nahisgutang pondo ibubo alang sa mga proyekto ilawom sa Barangay Development Program.

Kini aron masiguro nga makit-an ug mapahimuslan gayud sa publiko ang pondong gigahin.

Alang kang Senador Ronald ‘Bato’ Dela Rosa, wala man nabalik sa orihinal nga executive proposal nga P29 billion ang pondo, nalipay na lang usab kini nga natas-ang budget sa NTF-ELCAC.

Kalakip sa gikuhaan sa pondo aron madugang sa NTF-ELCAC budget ang mga unutilized programs ilawon sa Department of Public Works and Highways (DPWH) ug Department of Transportation (DoTr).