Ang pahinumdum gihimo sa hepe sa kapulisan human madakpi sa PNP-Integrity Monitoring and Enforcement Group (IMEG) ang usa ka Police Major sa aktong pagpanugal sulod sa Resorts World Manila Casino, Pasay City, niadtong Sabado sa hapon (Agosto 27).
Giila ni IMEG Acting Director Police Brigadier General Warren F. de Leon ang nadakpan nga si Police Major Rolando Isidoro, 51 anyos nga naa- assign sa Personnel Holding and Accounting Section sa PNP Police Security Protection Group.
Sumala pa ni de Leon, ilang gikasa ang operasyon human makadawat ug tip gikan sa concerned citizen nga sagad makita sa maong casino ang opisyal sa pulis.
Kahinumdumang istriktong gipasidan-an ni Azurin ang mga pulis nga dili malambigit sa mga ilegal nga aktibidad, partikular ang pagpanugal sanglit makadaut kini sa imahe sa PNP.
Hulagway gikan sa IMEG
Facebook Conversations