Gihulat na lang sa Department of Health (DOH) ang ipagawas nga official guidelines sa Malakanyang labot sa boluntaryong pagsuot ug face mask sa mga indoor areas.
Sumala pa ni Health Officer in Charge ug Undersecretary Maria Rosario Vergere, ilang gitahud ang maong desisyon sa Palasyo.
Apan gipasabot sa opisyal sa Inter Agency Task Force ang tanan sa mahimong senaryo kung ugaling ipatuman ang nahisgutang kamanduan.
Gipahinumduman sa opisyal ang publiko nga anaa gihapon ang hulga virus busa trabaho pa gihapon sa matag usa nga mag-amping.
Padayon niining gidasig ang publiko nga magsuot pa gihapon ug face masks, social distancing, magpabakuna, ug ipatunhay nga limpyo ang panglawas.
Ug karon nga paduol na ang undas ug pasko, gipasidan-an sa opisyal ang katawhan nga dili tanggalon ang face masks ilabina sa mga tigom aron makasiguro nga luwas sa unsa mang hulga sa COVID-19.
Facebook Conversations