Gitahasan sa hepe sa Philippine National Police (PNP) General Rodolfo Azurin Jr. ang tanang mga Regional ug Provincial Director sa PNP, lakip na mga Chiefs of Police ug ground commanders nga makig-alayon sa mga tulungnaan sa ilang area of responsibility.
Sumala pa kang PNP Public Information Office Chief Colonel Red Maranan, kini isip pag-suporta sa Department of Education aron masolusyonan ang problema sa “school violence”.
Sumala pa ni Maranan, gimando ni Azurin sa mga Police Commanders nga sayron ang tanang kinahanglanon s eskwelahan sa hisgutanang seguridad.
Gipasabot ni Maranan, mas nindot kung dunay regular nga dayalogo ang mga pulis ug mga eskwelahan.
Gihimo ni Azurin ang kamanduan subay sa insidente kund diin namatay ang usa ka grade 6 student sa Benito Nieto Elementary School sa San Jose Del Monte Bulacan, human aksidenteng napusilan ang kaugalingon gamit ang baril sa iyang amahang pulis sulod sa likod nga bahin sa eskwelahan adlawng Huwebes.
Facebook Conversations