“Niabot kanamo ang balita nga naay mga ‘non-profit’ nga mga grupo diri sa siyudad sa Davao nga ginapakita ang ilang mga SEC ‘registration certificate’ ug gapangolekta og kwarta pinaagi sa pagsaad og umaabot nga maayuhon,” matud pa sa SEC-DEO.
“Ang mga ‘non-stock, non-profit’ nga mga korporasyon, lakip niini ang mga ‘foundation,’ wa gihatagan og katungod nga mangolekta og pamuhunan sa publiko. Sa makausa pa, bisan unsang porma sa ‘investment solicitation’ nga way ‘secondary license’ gikan sa Commission ginadili sa balaud,” dugtong pa sa opisina.
Ang opisina nagpagawas sa maong abiso human makadawat og balita gikan sa kauban niining mga ahensya lakip na ang “local government units” nga anaay mga “investment scheme” kung diin ginadani ang mga tao nga magrehistro uban sa saad nga umaabot nga maayuhon o “tabang” pinaagi sa pagsulod sa mga dapit sa syudad ug uba pang duol nga mga syudad ug mga munisipyo.
“Nakig-alayon na ang SEC DEO sa Davao City Anti-Scam Unit, Davao City Business Bureau ug uban pang mga kaubang LGU aron masusi ang maong mga taho para makahimo og mga tukma nga lakang,” ang opisina nagkanayon.
Giawhag sa Commission ang publiko sa pagreport sa mga "unauthorized investment solicitation activities" ngadto sa Enforcement and Investor Protection Department pinaagi sa pagpadala og email sa epd@sec.gov.ph. (PR/SEC Davao)
Facebook Conversations