Lupaz, aminadong nisiaw ang mga kawatan,mangunguot sa Davao; nanganting pakusgan ang Oplan RAT Tugis

Apan sumala pa ni Lupaz atol sa press conference adlawng Lunes (Mayo 2) nga walay angayng kahadlukan ang mga residente sanglit gibutyag niini nga kontrolado sa kapulisan ang sitwasyon.

“Gusto kung ipaalam sa mga tao sa Davao City na we are on top of the situation. Walang dapat  ikatakot dahil we are doing everything  to control  and to apprehend the suspects. At kung talagang lalaban yong suspek wala kaming magagawa kasi these people are armed and dangerous,” sumala pa sa city director.

Subay sa datus, bulan sa Abril nakatala ang DCPO ug napulo ka mga insidenteng pagpangawat sa syudad. Hinoon, matod pa sa opisyal, siyam sa mga suspek niini ang nag-atubang na ug kaso ug nangapriso.

Gani niadto lamang Dominggo, napatay sa operasyon ang usa ka suspetsado sa Bukas Kotse nga nailhang si John Paul Ancajas kansang insidente nahitabo sa area of responsibility sa Police Station 9 human kini nisukol sa mga mirespondeng mga awtoridad.

Sa pagkakaron, sumala pa ni Lupaz nga subling ipatuman sa kapulisan ang Oplan RAT (Robbery/ Hold-up, Akyat Bahay and Theft) Tugis nga programa sa kanhi hepe sa DCPO Brigadier General Alexander Tagum.

Gitinguha sa Oplan RAT Tugis nga mailhan ug madakpan ang mga kriminal nga nalambigit sa Robbery/ Hold-up, Akyat Bahay ug Theft incidents.

Ang gipakusgang focused police operations agig kabahin sa tinguha  sa DCPO nga himoong kahadlukang lugar alang sa mga kriminal ug terorista ang syudad apan pinakamalinawong dapit alang sa mga taga-Davao.

“We will continue and we will intensify our Oplan RAT Tugis lalo na naka-level 1 na tayo. We will implement this and will intensify this campaign so that this will stop,” dugang ni Lupaz.

Gawas sa pagpakusog sa Oplan RAT Tugis, gipalihok na sab sa DCPO ang mga Barangay Tanods aron mutabang sa mga pulis nga mapatunhay ang kalinaw sa ilang barangay.

“All police stations are directed to  conduct  empowerment sa mga barangay tanods. Nagkaroon tayo ng mga visitation sa barangay, we  empower them, we train them on basic patrolling ug basic police intervention, so  that they  can help us in the anti-criminality campaign,” matod pa sa opisyal.

Nagbahad ang opisyal sa mga kawatan ug mangunguot, “Itong mga gumagawa ng snatching, robbery wawarningan ko kayo, umalis kayo dito sa Davao. Kasi the moment na mahuli namin kayo ay talagang kulungan ang aabutin niyo. Much better na aalis kayo dito, wag kayong gumawa ng kalokohan dito sa Davao. Maghanap kayo ng trabaho, magpatulong kayo sa  mga local government units ninyo ihinto niyo ang  ganitong mga maling gawain.  Baka sa pagkakataon na ito baka yan na yong katapusan ng buhay ninyo kung magpapatuloy kayo sa gawaing ito.