Kapin 14,000 magtutudlo, support staff, andam na sa May 9 elections sa Davao Region

Ning bag-o lang gibutyag  ni Attorney Gay Enumerables, assistant regional director ug tigpamaba sa Comelec 11 nga nahuman  na ang pagbansay sa mga poll watchers

“Bag o lang  nahuman atong training for the poll workers. First nag-start ta last week sa February, yong mga technical persons na  mag-assist sa atong  mga Teachers. And the whole of March , gi-train pod nato ang mga Teachers  to act as members of the electoral board,” matod pa ni Enumerables.

Dugang sa opisyal nga nahuman na usab sila ug bansay sa mga magtutudlo nga magsilbing board of canvassers.

“So basically, natapos  na ta ug training ang atong mga poll workers. For now, ang atuang mga hubs para sa mga machines, nakompleto na  para sa mga VCMs (vote counting machines) sa  Davao City and  for the entire Region 11,” dugang sa opisyal.

Subay sa tahu ni Enumerables, dunay kinatibuk-ang 4,834 clustered precints ang Davao Region.

Sa maong ihap, 1,411 clustered precints sa Davao City, Del Sur 695, Occidental 314, Del Norte  1,015, Davao dd Oro 791, ug Davao Oriental dunay 608 clustered precints.

Matag clustered precints, dunay naka-assign nga tulo ka miyembro sa electoral boards, ug uban pang support staff.

Ang Davao Region dunay total number of registered voters nga 3 million 236,251.

Sa 3, 236,251 botante, ang Davao City dunay 992,538, Davao del Sur 457,073, Davao Occidental 192,420, Davao del Norte690,248, Davao de Oro 508,221, ug Davao Oriental 395,751.