Sikop sa kapulisan sa Laak, Davao de Oro ang kanhi miyembro sa rebeldeng New People’s Army (NPA) sa Purok 18, Sitio Lilo, Awao, Monkayo sa maong probinsya Martes sa hapon (Agosto 16).
Giila ang dinakpan nga si Rodel Emba Ogong nga dunay mga alyas nga Vladi, Al, ug alyas Tol, 38 anyos, mag-uuma, ug residente sa nahisgutang barangay.
Gidakop si Ogong pinaagi sa bili sa warrant of arrest nga gi-isyu ni Honorable Judge Celestial Aranda-Gonzales sa 11th Judicial Region, RTC Branch 57 Mabini, Davao de Oro nga may petsang April 25, 2018 sa kasong homicide.
Walay girekomendang bail bond ang korte sa kaso ni Ogong.
Si Ogong kinsa kanhi Squad Leader ubos sa Weakened Guerilla Front sa Southern Mindanao Regional Committee (SMRC) sa NPA, kasamtangang gipriso sa Laak Municipal Police Station.
Hulagway gikan sa PRO 11
Facebook Conversations