Sa tahu sa Task Force Davao, sakay ang maong kontrabando sa usa ka Toyota Fortuner nga nilabay sa checkpoint sa Task Force Davao ug Kapulisan sa Eden, Toril.
Giila ang mga suspek nga sila Al-Sarif S Nuh, 22; Mr Alyasid S Nuh, 34; Jole A Arad, 45; ug Juluie Jie Sahisa, 19. Pulos residente sa 1st Crumb St., Purok Centennial, Zone 1, Digos City ang mga dinakpan.
Gilapas sa mga dinakpan ang Republic Act 4712, labot sa tariff and customs code of the Philippines.
Samtang sa pikas bahin, balhog sab sa prisuhan si Edwin Campus Duhaylungsod, 38, nga residente sa Jerome St. Agdao, Davao City human kini nakuhaan ug kapin upat ka gramos sa shabu nga mubalor sa P71,040.
Nadakpan si Duhaylungsod sa pag -agi niini sa Lasang checkpoint sa Bunawan sakay sa Red Suzuki Raider.
Gidayeg ni TF Davao commander Colonel Darren E. Comia ang iyang mga sakop ug kapulisan sa kakugi niini nga hugot mapatuman ang culture of security.
Lakip nga gipasalamatan sa opisyal ang makanunayong kooperasyon sa katawhan sa pagpakgang sa mga dautang elemento nga makasulod sa syudad.
Hulagway gikan sa TF Davao
Facebook Conversations