Gimanduan ni Philippine National Police (PNP) Directorate for Operations Police Major General Valeriano De Leon ang tanang Regional ug Unit Commanders nga mopatuman ug mas hugot nga seguridad sa ilang area of responsibility kasunod sa mga nagakahitabong pagpamomba sa Mindanao.
Sumala pa kang De Leon, nagpagawas na kini ug memorandum alang sa pagpahigayon ug regular nga inspeksyon sa tanang transport terminals, mga suruyanan,pampublikong lugar ug ubang dapit nga sagad ginadagsa sa mga tawo,.
Kalakip na usab dinhi ang pagpahigayon ug checkpoints sa mga nag-unang kaksada ingon man gipahugtang intelligence- gathering operations.
Mayo 26 kung kahinumduman, magkasunod natigayon ang pagbuto sa bomba sa Koronadal City,South Cotabato ug Tacurong City, Sultan Kudarat.
Samtang Lunes sa hapon,usa usab ka bomba ang mibusikad sa Isabela City, Basilan nga gikasamad sa usa ka security guard.
Facebook Conversations