Hot pursuit operations sa mga suspek sa pagpanulis ug pagpatay sa pulis sa Cotabato, nagpadayon

Ruth Palo

Editor

posted on 3 years ago — updated on 1 second ago

811
views

Padayong gigukod sa kapulisan ang mga nabiling miyembro sa dose katao nga robbery-holdup gang nga nakapatay ug pulis lakip sibilyan ug pagka-angol sa lain pang upat sa sulay nga kawatan ang usa ka bakery-restaurant sa Barangay Bagontapay, M’lang, Cotabato.

Sa tahu sa Police Regional Office-12, giila ang duha nga namatay nga sila Police Staff Sergeant Rudy Verona Amihan Jr., 51, sa M’lang Municipal Police Station; ug sibilyang si Jack Gumilao, 53, nga kostomer sa restaurant nga gitulis.

Gidayeg ni PNP Chief Police General Rodolfo Azurin Jr. ang kaisog sa pulis nga namatay sa binigwasay ug buto sa duha ka mga suspek nga nikagiw.

Namatay ang duha ka suspek sa dihang ilang nasangka ang team ni Police Colonel Harold Ramos, Provincial Director sa Cotabato Police Provincial Office nga maoy nigukod kanila.

Samtang duha pa ka suspek ang namatay nga nisukol sa team ni Police Lieutenant Colonel Mamon, ang Chief of Police sa Mlang sa Sitio Quito, Barangay Dugong.

Usa ka Provincial dragnet ang gilusad sa PNP aron madakpan ang nabiling walo pa ka mga suspetsado.