Gi-imbestigahan na sa Philippine National Police ang posibleng pagkalambigit sa taas nga opisyal sa pulis sa 990 kilong shabu nga kantidad sa P6.7 billion nga nakuha niadtong Oktubre 8 sa pribadong negosyo sa aktibong pulis nga si Master Sergeant Rodolfo Mayo Jr.
Si Mayo, nga aktibong intelligence officer sa PNP Drug Enforcement Group, arestado sa follow up operation pagkaugma, Oktubre 9, nga dunay bitbit nga duha ka kilong shabu sa iyang sakyanan.
Sumala pa kang PNP Chief General Rodolfo Azurin Jr., kalakip sa mga posibleng kaalyado ni Mayo ang usa ka PNP General.
Bisan ug mibalibad si Azurin nga panganlan ang Heneral, apan gibutyag niini anaa kini sa floating status kalabut sa laing kaso.
Samtang, duha pa ka pulis ang giimbestigahan may kalabutan sa pagpayuhot sa 42 kilos nga shabu gikan sa nakumpiskang 990 kilos nga shabu.
Nakita ang isa ka pulis sa closed-circuit television camera (CCTV) nga karga-karga ang ipayuhot nga droga paingon sa kotse nga gipanag-iyahan sa ika-duhang pulis.
Facebook Conversations