Freeze order sa mga propriedad ni kanhi Ozamis City Vice Mayor Nova Princess Parojinog nga gikatahapang drug lord, gisilbi sa PDEA, AMLC, PNP

 Ang freeze order gipagawas sa Regional Trial Court of Manila, Branch 37 batok sa mga bahandi ni Parojinog human niini gihangyo sa State Prosecutor.                                                                                        

Ang pagduso sa freeze order gipanguluhan ni Director General Undersecretary Wilkins Villanueva; Atty. Matthew David, Officer-in-Charge sa AMLC Secretariat, ug Police Brigadier General  Benjamin Acorda Jr., nga maoy Regional Director sa Police Region 10. 

Kalakip sa mga gitumbok nga propriedad sa kanhi bise-alkalde mao ang balay niini sa Golden Glow Village North 2 subdivision, Upper Carmen, Cagayan de Oro City.                                                                                                                            

Dili na usab pwedeng hilabtan si bisan kinsang partidos, higala, o mga suod sa bise-alkalde ang mga asset ug salapi niini sa bangko nga gituhuang kita gikan sa illegal nga droga.