Kantidad sa P825,000 nga ilegal nga droga ang nakuha sa mga sakop sa Philippine Drug Enforcement Agency (PDEA) ug kapulisan atol sa buy-bust operation Martes sa hapon (Disyembre 13) sa Purok Kalayaan, MLGR, Madang, Barangay Central, Mati City, Davao Oriental.
Giila sa direktor sa PDEA Onse Aileen Lovitos ang suspek nga si Cresentino Altizo Jr. alias Doydoy, 27 anyos, lumulopyo sa Purok Fairview, Barangay Central, Mati City, Davao Oriental.
Nakuha gikan sa dinakpan ang kinatibuk-ang 55 gramos sa gituhuang shabu nga mubalor sa P825,000 ug buy-bust marked money.
Dugang nakuha sa mga awtoridad ang motorsiklo sa suspek nga gituhuang ginagamit sa illegal drug transaction.
Kasong paglapas sa Section 5 (Sale of Dangerous Drugs) ug Section 11 (Possession of Dangerous Drugs), Article II sa Republic Act 9165 o ang Comprehensive Dangerous Drugs Act of 2002.
Hulagway gikan sa PDEA 11
Facebook Conversations