“Naa nami nakita na mga hayop nga gi-coloran ug pink. Dili namo masabtan sa animal welfare ug Bantay Hayop Davao ngano inyuhang gamiton ang iro ug iring when in fact ang welfare sa animals you do not attend to it. In fact ok lang sa inyuha na ipa-impound, iro ug iring lang man na, mga ingon ana. Why are you using the emotions of pet lovers during elections,”saysay ni Rovie Bullina, program director sa BHD atol sa Kapehan sa Dabaw sa SM City Davao, Lunes sa buntag (Marso 28).
Sumala pa ni Bullina, wala kunoy mga kandidato ang nagtanyag ug mga pangmaluntarong paagi o sustainable methods aron matubag ang nagkataas nga populasyon sa mga latagaw nga iro ingon man nanlimbasug alang sa responsible pet ownership sa syudad sa Davao.
“I’m sorry to say this again, naa’y mga officials na dili mu insist ug responsible pet ownership kay masuko man ang mga tao. A lot of officials want to please the public by sacrificing ordinances,” dugang pagsaysay ni Bullina.
Gibutyag niini nga dunay mga palisiya nga gipasar alang sa animal welfare, partikularmente sa mga alagang hayop sama sa duha hangtod tulo ka tuig mga pagkapriso or P200,000 hangtod P300,000 penalty tungod sa animal cruelty, apan wala matod pa kini napatuman.
“P500 pag naglatagaw ang imong iro, P1,000 pag nalibang sa gawas ug dili nimo puniton, P25,000 kung nakapaak ang imong iro nga dili mubayad ang katong tag iya sa namaak na iro-wala kay madungog ana nga implementation. So ang punishment padulong sa iro ug iring. Mas notion ng tao na ipapatay ang iro ug iring. It’s a crime happening in broad daylight,” ingon sa opisyal sa BHD.
Dugang niini nga ang syudad sa Davao duna nay dog pound facility apan wala na-rehabilitate tungod sa kakulang sa pondo.
“Nindot na ang atoang dog pound, its actually a very beautiful area pero dili pa ma-push ang rehabilitation, dili pud ma-push ang responsible pet ownership,” matod pa ni Bullina.
“Animal welfare in Davao City is enormously, a big problem. Animal rescuers rescue, but we too get overwhelmed. Our priority is animals in distress, animals that are abandoned. We cannot cater to all of them anymore,” pagpaklaro sa opisyal.
Ang BHD, nakig-alayon sa nagkadaiyang ahensya ug establisemento sa syudad aron pag-promote sa responsible pet ownership.
Nagtuo si Bullina nga gikinahanglan ang pagpakusog sa kampanya aron mapatuman ang responsible pet ownership ug pagtapos sa problema sa mga latagaw nga iro sa syudad.
Ning bag-uhay lamang ang syudad sa Davao pinaagi sa Sangguniang Panlungsod nag-apruba sa ika-duhang pagbasa nga nag-amiyenda sa Ordinance No. 1457, Series Of 1974, Entitled “An Ordinance Prohibiting The Loosening Or Letting Stray Dogs In The City Of Davao, Providing For The Catching And Impounding Of The Same, Collection Of Fees For Impounding Them And Providing Further For Their Disposition When Not Claimed Within A Certain Period And Providing For Penalty In Case Of Violation Thereof.”
Facebook Conversations