Banka nga gisakyan sa mga armadong indibidwal, mibuto human sa bakbakanay sa militar sa Samar; magtiayong Tiamzon, di pa makumpirmang apil sa pasahero

Sumala pa kang Joint Task Force Storm spokesperson Captain Ryan Layug, ang nahisgutang banka , na-intercept sa mga tropa human makadawat ug tip nga nagkarga kini ug mga kadudahang kahon sa baybayon sa Northern part sa Catbalogan ayha kini milawig paingon sa Buri Island.

Sa dihang naabtan sa mga tropa sa kabaybayunan, naghatag ug megaphone warning ang mga sundalo, apan gilayon sila nga gipabuthan  sa mga sakay sa banka.

Taliwala sa binuthanay, kalit matod pa mibusikad ang banka.

Giklaro hinoon ni Joint Task Force Storm Commander Major General Edgardo de Leon nga padayong gisuta sa militar kung si kinsa ang grupong nakasagupa sa tropa sa gobyerno.

Kini nunot sa mga tahu nga migawas sa social media nga sumala pa lakip sa mga namatay sa maong insidente ang magtiayong communist leaders CPP/NPA/NDF Chairman Benito Tiamzon alyas LAAN ug Secretary General Wilma Tiamzon alyas JAG.