Gibutyag ni PNP Officer in Charge Lieutenant General Rodel Sermonia ang suporta sa Philippine National Police (PNP) sa bag-ong anti-drug program sa gobyerno, ang “Buhay Ingatan, Droga'y Ayawan” o BIDA Program.
Sumala pa ni Sermonia subling ilusad sa kapulisan ang house visitation sa mga indibidwal nga anaa sa drug watchlist.
Katuyuan niini aron dasigon ang mga nalambigit sa ilegal nga droga nga boluntaryong mosurender ug mupailawom sa BIDA program.
Ang BIDA program, usa sa adbokasiya nga nagtinguha makunhuran ang “demand” alang sa ilegal nga droga, pinaagi sa pag-empower sa mga komunidad nagkadaiyang anti-drug activities ug pagpakusog sa awareness campaign sa kadaut nga hatod sa ilegal nga droga, partikular sa mga kabataan.
Kahinumduman nga sa niaging administrasyon, gihimo sab sa PNP ang house visitation sa mga drug personalities isip kabahin sa Oplan Tokhang nga gikan sa pulong nga Toktok-Hangyo o “knock and plead”.
Hulagway gikan sa DILG Philippines
Facebook Conversations