Kalakip sa namatay ang tulo ka Boholano ug usa ka lalaking Austrian National.
Sumala pa kang Loay Mayor Hilario Ayuban, Jr., anaa sa 22 ang na-rescue.
Ang kapikas sa namatayng Austrian National ang usa sa 22 nga naluwas ug giingong buntis. Nasayran nga niadto sa Bohol ang magtiayon alang sa ilang post-wedding trip human sila gikasal pipila ka semana pa lamang ang nakalabay.
Tungod sa kakusog sa bundak sa ulan ug haguros sa tubig, temporaryong giundang ang diving ug retrieval operation sa sapa nga dunay gilawmon mga 7 hangtod 8 metros, alas 11 kagabii.
Ayha pa gisuspende ang retrieval operations, anaa sa 12 ka mga sakyanan ang na-account sa mga divers, kalakip na ang usa ka dump truck, 1 closed delivery van, 1 passenger van, upat ka 4-wheeled private vehicle, tulo ka tricycle units, ug duha ka single motorcycle.
Nag-awhag ang alkalde sa publiko nga makig-alayon sa Lokal nga gobyerno sa Loay kung dunay impormasyon labot sa mga kapartedusan sa mga biktima sa pagkahagsa sa tulay ilabina kadtong anaa sa gawas sa Bohol.
Hiniusang pwersa sa Philippine Coast Guard, Bureau of Fire Protection, Philippine National Police, Bohol Provincial Disaster Risk Reduction Management Office, Loay Municipal Disaster Risk Reduction Management Office, ug volunteers ang gilusad nga rescue ug retrieval operations sa nahagsa nga tulay sa Bohol
Hulagway: Radyo Pilipinas, Helen Castano
Facebook Conversations