Hikabsan kinabuhi ang siyete anyos nga batang lalaki samtang samdan ang manghod niini human nibusikad ang gituhuang granada sa Purok 6 Boongon , Barangay Rizal, Lungsod sa Malalag, Davao Del Sur alas 11:00 Huwebes sa buntag (Hulyo 7).
Ang biktima nailhang si Christian Jay Gecale Gaspar, grade 1 pupil ug ang manghod niining si Kent Gecale Gaspar , 5-anyos pulos lumolupyo sa maong barangay.
Base sa imbestigasyon sa kapulisan sa Malalag , nagdula matod pa ang magsoon sa sagbutang bahin sa nahisgutang lugar ug ilang nakit-an ang usa ka lingin nga metal nga gituohang hand grenade.
Apan tungod sa kakuryoso, ila kining gikuha ug gidulaan, apan kalit nga mibuto.
Patay diha-diha dayon si Christian samtang ang igsoon niining si Kent gidala sa Davao Sur Provincial Hospital, Digos City sa mga personahe sa Municipal Disaster Risk Reduction and Management Council (MDRRMC ).
Hulagway gikan sa PRO 11
Facebook Conversations