Kini tungod sa wala niini pagsunod sa Republic Act 11199 o mas nailhan nga “Social Security Act of 2018.”
Kini nga mga etablisemento gilangkuban sa general merchandise nga tindahan, optical clinic, restaurant, printing press, dormitel, ug catering.
Nasayran nga ang mao mga establisyemento dunay bayrunon ngadto sa SSS. Girason sa mga nanag-iya niining patigayon ang epekto sa COVID-19.
Ang general merchandise dunay usa ka empleyado; tulo sa Optical clinic; 19 sa restaurant; 3 sa printing press; 7 sa dormitel; ug 16 kawani sa restaurant and catering services.
Tumong sa maong programa sa SSS nga maedukar ug matambagan ang mga employers sa pag-asikaso sa ilang obligasyon ngadto sa ilang mga trabahante.
Hinoon, gipasalig ni SSS Mati Branch head Sharon Porlares nga tabangan kini nga ma-comply sa naasoyng mga negosyo ang ilang kuwang nga bayrunon sa SSS.
Nasayran nga nalakip sa top 50 delinquency list sa SSS sa miaging upat ka bulan ang maong mga establisyemento. Gikan sa 50, nahimo na lang kini nga 13 nga dunay dagko nga bayrunon sa SSS.
40 diyas ang lugway nga gihatag sa unom ka employers nga asikasuhon ang ilang obligasyon. Kung ugaling pakyas kini sa pagbayad, posibleng mag-atubang kini sa paglapas sa Republic Act 11199.
Ubos sa maong balaod, mahimong makabayad ang non-compliant employers sa dili muubos sa P5,000 ug dili musobra sa P20,000. Lagmit priso sulod sa unom hangtod dose ka tuig sab ang sangputan kung padayong di manumbaling sa ilang obligasyon.
Hulagway gikan sa Mati City Information Office
Facebook Conversations