Patay ang duha ka sundalo , samdan ang usa, samtang usa usab ang missing human gibanhigan sa wala matinong ihap sa mga sakop sa komunistang New People’s Army (NPA) sa Barangay Gacab, Malibcong, Abra Huwebes sa buntag (Oktubre 27).
Sumala pa kang Lieutenant Colonel Ricardo Garcia III, Battalion Commander sa 24th Infantry Battalion, upat sa iyang mga sakop, iyang gi-recall gikan sa patrolya aron mutabang sa mga biktima sa linog sa dihang gipang-ambush.
Gikondena ni Garcia ang “barbaric act” sa mga teroristang komunista, dungan ang pagsiguro nga di sila moundang sa paggukod sa mga responsable sa pag-atake.
Samtang nagpaabot sa iyang pagbangutan sa pamilya sa namatayng mga sundalo si 5th Infantry Division Commander Brigadier General Audrey L Pasia.
Matod ni Pasia, ang maong insidente pagpamatuod lamang sa “cruelty ug inhumanity” sa NPA.
Nanganti si Pasia nga di matarog ang determinasyon sa militar nga tabangan ang mga biktima sa linog nunot sa nahitabo.
Hulagway gikan sa PCADG Cordillera
Facebook Conversations