Gipaslak sa prisuhan sa San Pedro Police station ang duha ka mga lalaki nga apil sa mga nag-rally batok sa pinakaunang State of the Nation Address (SONA) ni Pangulong Ferdinand Marcos Jr. Lunes sa hapon (Hulyo 25) sa dalang Roxas ning syudad sa Davao.
Subay sa tahu sa Davao City Police Office (DCPO), gidakop sila Mawing Pangadas, 19-anyos ug Esmael Pangadas, 23-anyos nga residente sa Barangay Palma-Gil, Talaingod, Davao Del Norte pinasikad sa warrant of arrest sa kasong paglapas sa anti-trafficking of persons act of 2003 nga gi-isyu ni Judge Jimmy Bustillo Boco sa Tagum City, Davao del Norte Regional Trial Court Branch 2 pinitsahan Hunyo 7, 2022.
Base sa mando sa korte walay girekomendang pyansa alang sa kaso sa duha ka mga dinakpan nga giingong pulos miyembro sa indigeneous peoples (IP).
Pinangunahan sa mga personahe sa Warrant ug Intelligence sa San Pedro Police ubos sa DCPO ang pagsikop sa duha.
Planong pagsunog sa mga raliyista sa unang SONA ni Pangulong Marcos, napalpak tungod sa ulan. Hulagway gikan sa PH Sun
Facebook Conversations