Sumala pa ni Usop atol sa AFP-PNP Press Corps briefing sa milabayng Miyerkules (Oktubre 19) nga gipahigayon sa The Royal Mandaya Hotel, lauman ang pagdagsa sa mga biyahidor sa maong mga adlaw busa ila kini nga gipangandaman. Lauman sa DCOTT ang pagdagsa sa 80,000 hangtod 100,000 pasahero kada adlaw.
Sa pagkakaron, nangayo na ug tabang ang DCOTT sa pulis ug sundalo sa pag-man sa pila sa mga tawo nga mobiyahe ingon man paghatag dugang seguridad sa terminal.
Anaa usab ang mga personahe sa Land Transportation and Franchising and Regulatory Board (LTFRB) ug Land Transportation Office alang sa buhatong inspection sa mga buses aron paniguruhong luwas ang mga pasahero sa ilang pagsakay.
Ang mga personahe sa Philippine Drug Enforcement Agency (PDEA) lauman nga muhimo sab ug sorpresang random drug test sa mga drivers ug konduktor.
Tungod sa volume sa pasahero nga mudagsa sa terminal, sumala pa ni Usop, duha ka gate ang abrihan para sa mga pasahero nga mosulod ug mugawas. Gawas sa naandang passenger’s gate, matod ni Usop sugod Oktubre 30 ila sab abrihan para sa mga sumasakay ang employees gate.
Apan giklaro sa opisyal nga ang employees gate, para lamang sa mga persons with disabilities, buntis, senior citizens, ug mga walay bagahe nga pasahero.
Ang Southern Mindanao Bus Operators Association (SM BOA) andam sab muabag sa mga pasahero nga duna kini masakyan sa pagpadulong ug pagpauli sa ilang tagsa-tagsang destinasyon.
DCOTT Manager Aisa Usop
Facebook Conversations