Balhog sa prisuhan sa Calinan Police Station ang usa ka delivery van driver human kini nasakpan nga nagbitbit ug ilegal nga droga sa checkpoint sa Barangay Lacson, Calinan ning syudad sa Davao.
Subay sa tahu sa Task Force Davao, giila ang dinakpan nga si Ajak A. Saliling, 43-anyos, residente sa 24 Tomas Claudio St., Zamboanga City, Zamboanga del Sur.
Ang suspek, nadakpan samtang gamaneho ug delivery van apan sa gihimong inspection sa Task Force Davao ug pulis, nakuha gikan kaniya ang 0.20 gramo nga gituhuang shabu nga mubaloc sa P3,200.
Kasong pagsupak sa Republic Act 9165 ang atubangon ni Saliling.
Hulagway:TF Davao
Facebook Conversations