Gibutyag sa tigpamaba sa Police Regional Office (PRO) 11 Lieutenant Colonel Eudisan Gultiano atol sa AFP-PNP Press Corps briefing , Miyerkules sa buntag (Mayo 3) sa The Royal Mandaya Hotel nga natala sa Davao City Police Office ang daghang kasong pagpanglugos nga anaa sa 35; Davao del Norte Police Provincial Office 32; Davao de Sur 26; Davao de Oro 18; Davao Oriental 11; ug Davao Occidental 6.
Subay sa datus sa PRO 11, nag-edad sa saes hangtod 25 anyos ang biktima sa lugos diin sagad niini mga estudyante ang biktima.
Nasayran nga sagad nahitabo ang insidente anaa lamang sulod sa balay.
99.22 porsyento o 127 sa maong kaso ang gikunsiderang “case cleared” human napasaka ang kaso batok sa mga suspetsado sa piskalya.
Sa bahin sa DCPO, nagpadayon ang pagbisita niini sa mga barangay alang sa programang OPLAN KILOS kon Kalalakinhan, Kababainhan, Kabatan-unan, Igiya Laban sa Pagpanglugos.
Sumala pa ni Gultiano, ila nang gihingosgan ang koordinasyon tali sa Women’s Children Protection Desk (WCPD), barangay, ug mga women’s advocate aron mapugngan ang pagsaka sa kasong lugos.
Lt. Col. Eudisan Gultiano
Facebook Conversations