Priso karon sa Bunawan police station ang usa ka lalaki human makuhaan kini ug illegal nga druga atol sa gipahigayon nga checkpoint sa Task Force Davao sa Lasang ning Dakbayan sa Davao alas tres sa hapon adlaw nga Martes, Pebrero 8,2022.
Basi sa report, giila ang dinakpan nga usa ka Ropher Virado Gapo, 38, anyos, ulitawo ug residente sa Purok 6 Sitio Masagna, New Katipunan Sto. Tomas Davao Del Norte nga sakay sa usa ka pampasaherong van padulong sa Siyudad sa Davao.
Nakuha gikan sa posisyon niini ang 0.20 gramos nga illegal nga drugang shabu ug nagkantidad kini ug P3,200.00 human gipa ilalom kini sa inspeksyon sa maong checkpoint.
Human sa maong insidente gidakop kini ug gidala sa Bunawan Police Station aron imbestigahan ug mapasakaan ug kaso.
Hulagway: TF Davao
Facebook Conversations