Gisaulog sa 48- anyos nga lalaki ang pagsugat sa bag-ong tuig human kini nadakpan sa checkpoint sa kapulisan ug Task Force Davao sa Lasang-Bunawan, Davao City ala 1:50 sa sayong buntag Domingo (Enero 1) tungod sa ilegal nga droga ug armas.
Giila sa Task Force Davao ang dinakpang si Roland Manangki Marigaton, residente sa Purok Mangga, Bincungan, Tagum City.
Sakay si Marigaton sa iyang motorsiklo biyaheng Davao City sa dihang nasita sa checkpoint.
Nakuha sa suspek ang usa ka pakete sa gituhuang shabu nga mubalor sa P4,960 ug kalibre 45 nga pistola , magazine, ug lima ka buhing bala.
Gidayeg ni Task Force Davao Commander Colonel Darren Comia ang mga awtoridad sa pagkasikop sa suspek, pagpamatuod sa ilang dedikasyon sa trabaho nga masigurong luwas ang syudad.
"While Dabawenyos are celebrating the New Year, your TFD troopers are selflessly working round the clock, away from their family, in order to maintain the peace, security and order in Davao City,” matod pa ni Comia
Hulagway gikan sa Task Force Davao
Facebook Conversations