Subay sa report sa Philippine National Police (PNP), giila ang mga biktima nga sila Basilan Mayor Darussalam Saguindilan Lajid ug ang driver niining si Barad Nuruddin.
Gawas sa duha, samdan usab sa pagpamusil si Akbar Basilan Mayor Alih Awal Sali.
Nasayran nga si Lajid ug Nuruddin, nadala pa sa bay tambalanan apan gideklarang dead on arrival.
Sa kasamtangan, nagpadayon ang hot pursuit operations sa mga tracker teams sa PNP aron gukdon ang mga suspek sa pagpamusil sa duha ka mayor ug driver niini.
Gitahasan na ni PNP Chief General Dionardo Carlos, ang area commander sa PNP Western Mindanao Lieutenant General Chiquito Malayo nga makig-alayon sa Police Regional Office (PRO) 9 ug PRO Bangsamoro Autonomous Region (PRO-BAR) alang sa hot pursuit operations.
Makig-alayon ang kapulisan sa armadong kusog sa Pilipinas ug Philippine Coastguard human giingong mikagiw ang mga suspek sakay sa motorized banca ug usa ka puti nga sakyanan.
Facebook Conversations