Patay ang usa ka mag-uuma human gibunalan ug tubo nga bakal ang ulo sa kainom nga silingan sa Purok 6, Barangay Dalawinon, Magsaysay, Davao del Sur, alas otso pasado kagabii.
Giila sa Magsaysay Police ang biktima nga si Roel Siasar 34-anyos, ug residente sa nasampit nga barangay.
Nasayran nga nahitabo ang insidente sa balay sa usa ka Magno Alquizar kinsa silingan ra usab sa biktima ug sa suspek nga nailang si Junel Ardiente, 29-anyos.
Sa imbestigasyon sa kapulisan nga samtang gainom ang managhigala, nisampot sa panaglalis ang ilang istorya hangtod nga napatay ni Ardiente ang biktima.
Gilayong nadakpan ang suspek ug gihikay na ang kasong Homicide batok kaniya.
Hulagway: Magsaysay Police
Facebook Conversations