Subay sa report sa PDEA, giila ang mga dinakpan nga sila Jimmy James Buntog alyas JJ ug kapuyo niini nga si Gerra Mae Calago.
Gawas sa duha, sikop usab si John Arthur Villar alyas Pam. Si Villar ug Buntog maoy punterya sa operasyon.
Nakuha sa possession sa mga dinakpan ang kinatibuk-ang napulo ka gramos nga shabu nga dunay street value nga P150,000.
Gawas sa droga, nakuhaan usab ang mga suspek ug nagkadaiyang drug paraphernalia, ubay-ubay nga gidaghanon sa way sulod nga plastic sachets, ug buy-bust money.
Subay sa rekord, si Villar kanhiay na nga napriso tungod gihapon sa ilegal nga droga niadtong Nobyembre 18,2018 apan nakagawas sa prisuhan Abril 2021 human naka-avail sa plea bargaining agreement.
Tingkagol na sa prisuhan ang mga suspek samtang gihikay ang pagpasaka ug kasong pagsupak sa Republic Act 9165 o ang Comprehensive Dangerous Drugs Act of 2002.
Hulagway: PDEA
Facebook Conversations