Laing kasong lugos atubangon sa personahe sa Coast Guard human mitumaw ang 23-anyos nga modelo

Atol sa press conference Huwebes sa buntag, Abril 27, gisaysay sa biktima nga nahitabo ang giingong pagpanglugos sa suspek nga si Khalid Abdullah ngadto kaniya niadtong Nobyembre 30, 2022 sa kadlawon.

Matod pa sa biktima, gitanyagan kuno siya ug trabaho isip usher sa Casino butang nga iya kining gidawat. 

Girason sa biktima nga wa gilayon niya gireport sa mga otoridad ang  nahitabo kaniya sa kamot sa suspek tungod sa kahadlok sa hulga sa iyang kinabuhi ug grabeng trauma nga iyang gihambin human sa insidente. 

Gawas sa kasong lugos, atubangon sab ni Abdullah ang kasong human trafficking, usurpation of authority, ug illegal possession of firearms.