Patay ang wala pa mailhing lalaki human disgrasyang nabanggaan niini sa gimenehong motorsiklo ang nakaparadang loader truck sa Davao-Cotabato Road, National Highway, Brgy Sinaragan, Matanao, Davao del Sur sa milabayng gabii, Abril 2.
Ang biktima gibana-banaang nagpanuigon sa 25-anyos.
Subay sa imbistigasyon sa kapulisan sa Matanao, padulong sa direksyon sa Bansalan ang loader truck nga adunay kargang backhoe, apan pag abot niini sa lugar sa nahitaboan, miparada kini sa may outer lane.
Nagbutang pa ug warning device ang drayber aron sutaon matud pa ang battery sa iyahang gimaneho nga sakyanan apan sa kalit lang, mibangga sa likod nga bahin sa truck ang motorsiklo nga adunay plate No. LA86693 nga gimaneho sa biktima.
Padayon pang ginasuta sa kapulisan ang pangalan sa biktima kinsa anaa karon sa Brillantes, Funeral Parlor, Bansalan, Davao del Sur.
Hulagway: Matanao Police
Facebook Conversations