Priso ang usa ka 24-anyos nga lalaki human madakpan kini sa gipahigayon nga buy-bust operation sa Crossing Sawahon, Brgy. Sainz siyudad sa Mati sa Davao Oriental, buntag sa adlaw nga Miyerkules, Enero 12,2022.
Giila ang dinakpan nga usa ka Alias Noy, construction worker ug residente sa Lower Liberty Brgy. Central, siyudad sa Mati.
Sikop ang suspek dihang napalitan kini ug illegal nga druga sa usa ka sakop sa kapulisan nga nagpakaron ingnon nga buyer sa illegal nga druga.
Nakuha sa posisyon sa suspek ang alegasyong lima ka pakete sa illegal nga gituhuang shabu nga dunay 8 ka gramo nga gibug aton ug nagkantidad ug P96,000 ka pesos.
Nakatakda nga pasakaan ug kaso ang suspetsado subay sa salaod nga iyang nahimo.(BY RICHY NALAGON)
Hulagway: PRO 11
Facebook Conversations