Human sa pipila ka adlaw nga pagpaniid, hingpit nang nahulog sa kamot sa mga otoridad ang usa ka high-value individual sa operasyon nga gilusad sa Talomo Police Station, Sabado sa gabii (Marso 12) sa Purok San Vincente Lote St. Brgy. Lizada, Toril, syudad sa Davao.
Giila sa hepe sa Talomo Police Major Noel Villahermosa ang suspek nga si MARK ANTHONY DE REAL CEBALLOS Alyas Anton, 21-anyos.
Si Ceballos, gikonsiderang Top Regional Level sa kapulisan ug Philippine Drug Enforcement Agency (PDEA).
Na-rekober sa suspek ang gibana-banaang otso kilos nga marijuana nga mukantidad sa P1,280,000, walo ka buok nga 1,000 boodle money ug cellular phone.
Tingkagol na sa prisuhan ang dinakpan samtang gihikay ang kasong paglapas sa Republic Act 9165.
Hulagway: Talomo PNP
Facebook Conversations