Byudo nga natug sa duyan, gipusil patay

Giila sa Sta. Cruz police ang biktima nga si Nestor Patatag Lazaro alyas Bebot, trabahante, og lomolopyo sa Purok Kumintang, Brgy. Coronon.

Subay sa imbestigasyon sa kapulisan, samtang natulog ang biktima sa duyan likod sa balay sa iyang igsoon, kalit nga dunay lalaking niabot ug way daghang tabi gipusil ang biktima.

Nakahimo pa sa pagbangon ug pagdagan si Lazaro paingon sa dagat apan gigukod sa suspek ug subling gipusil.

Narekober  sa crime scene and duha ka fired bullet, isa ka bull cap nga iya sa suspetsado.

Nakahiagum ang biktima ug tulo ka samad pinusilan nga maoy nitapos sa iyang kinabuhi.  

Gisulayan pag hatod ang biktima sa iyang pamilya sa ospital apan gideklarang dead on arrival sa Marfe Hospital.

Padayong gipalawman sa kapulisan sa Sta.Cruz ang imbestigasyon aron matumbok ang motibo ingon man mailhan ug madakpan ang suspetsado.